Kryeministri Edi Rama ka publikuar një video ku tregohet mënyra se si qytetarët, veçanërisht prindërit dhe gjyshërit, mund të përdorin asistenten virtuale Diella për të përfituar shërbimet në platformën e-Albania.
Përmes një postimi në rrjetet sociale, Rama u bën thirrje qytetarëve që t’i drejtohen Diellës për t’u udhëzuar hap pas hapi, nga gjetja e shërbimit të nevojshëm deri te plotësimi i formularëve elektronikë.
Sipas kryeministrit, tashmë 19 shërbime janë bërë më të lehta për t’u përdorur, ndërsa hyrja në platformën e-Albania mund të realizohet edhe përmes Face ID ose gjurmës së gishtit, pas aktivizimit të këtyre funksioneve.
Në videon e publikuar, Rama demonstron mënyrën e përdorimit të shërbimeve dhe synon të tregojë lehtësimin e procedurave online, veçanërisht për kategoritë që mund të kenë më shumë vështirësi me teknologjinë.
