Një ngjarje e rëndë është shënuar në Pire, ku një fëmijë vetëm 2 vjeç është sulmuar nga një qen, pasi i shpëtoi vëmendjes së gjyshes së tij.
Sipas raportimeve, vogëlushja iu afrua kafshës, e cila më pas e sulmoi duke e kafshuar në kokë. Menjëherë pas incidentit, ajo u transportua me urgjencë në spitalin e fëmijëve, nën shoqërimin e policisë.
Ndërkohë, gjyshja e saj, shtetase nga Holanda, është arrestuar nga autoritetet greke me akuzën për ekspozim të të miturit ndaj rrezikut.
Gjendja shëndetësore e fëmijës nuk është bërë ende plotësisht e ditur, ndërsa autoritetet po vijojnë hetimet për zbardhjen e plotë të rrethanave të ngjarjes.
