Kanye West ka reaguar një ditë pas koncertit të mbajtur në Tiranë, duke falënderuar kryeministrin Edi Rama dhe shqiptarët për mikpritjen.
Përmes një postimi në rrjetet sociale, artisti amerikan shprehu mirënjohjen për organizimin e koncertit dhe vlerësoi Shqipërinë si një vend të bukur.
“Faleminderit Edi Rama dhe gjithë Shqipërisë për ndërtimin e një stadiumi dhe për mikpritjen që më bëtë në vendin tuaj të bukur”, shkruan Kanye West në X.
Koncerti i tij, i mbajtur mbrëmjen e 11 korrikut në Tiranë, ka ngjallur debate të shumta në opinionin publik, veçanërisht pas publikimit të faktit se qeveria kontribuoi me 4 milionë euro.