Kryeministri Edi Rama ka hedhur poshtë akuzat e opozitës se ai dhe familjarët e tij kanë përfituar nga burimet shtetërore. Në një konferencë për mediat, Rama theksoi se në asnjë rast ai apo familja e tij nuk kanë përfituar nga fondet shtetërore, por shpenzimet e udhëtimeve mbulohen nga vetë buxheti i tij familjar. Lidhur me akuzat e vazhdueshme të opozitës mbi luksin e udhëtimeve të kryeministrit, ky i fundit theksoi se udhëton si çdo shqiptar tjetër.
Dhe jo vetëm kaq, por meqë po ma jepni këtë mundësi, dua ta mësojnë të gjithë, edhe ata të cilët mbase mund të impresionohen nga akuza absurde për miliona euro të shpenzuara për fluturime që unë dhe në të gjitha rastet që anëtarë të familjes sime udhëtojnë me mua, udhëtoj në 2 mënyra.
Në rastet e vizitave zyrtare apo të punës sime si kryeministër, me avionin përkatës, në të gjitha rastet e tjera, me avonët e linjave si të gjithë shqiptarët, ekonomik dhe me shpenzimet e mia dhe të familjes. Në të gjitha rastet kur ka ndodhur që unë të kem vizitë pune dhe bashkëshortja ime të më shoqërojë, jo si pjesë e vizitës së punës, apo fëmijët me ne, e kemi paguar vetë, nuk e ka paguar shteti. E bëj këtë sqarim, sepse dua të sjell një shembull, për mënyrën si e kuptoj unë dhe ne në fmailjen tonë detyrën time. Asnjë nga këto akuza, nuk shkon deri në fund, kur mbetet midis se çfarë thotë njëri dhe çfarë thotë tjetri. Duhet që ju, t’i verifikojë këto që po them unë”, tha ai.
Nga ana tjetër, ai theksoi se ligji për Komisionet Hetimore nuk mund të ndryshohet në bazë të thashethemeve të opozitës, duke iu përgjigjur kështu akuzave të demokratëve se mazhoranca ka shkelur të drejtat e tyre, duke rrëzuar kërkesat e komisioneve.
