Nisur nga ngjarja e rëndë e dhunimit të një fëmijë vetëm 3-vjeç nga edukatorja në një kopsht privat në Tiranë , ministrja e Arsimit Ogerta Manastirliu njoftoi këtë të hënë se është ngritur një Task Forcë për arsimin parashkollor që do të monitorojë kopshtet .
Ministrja zbuloi numrin e subjekteve të palicensuara dhe tha se do të ketë gjoba dhe masa deri në pezullim aktiviteti.
“8 subjekte jopublike (kopshte) rezultojnë të mos kenë aplikuar pranë MAS për licensimin përkatës dhe 2 subjekteve i është refuzuar licensimi, për të cilat inspektorët në DPAP po kryen verifikimet e nevojshme dhe në përfundim do të merren masat përkatëse sipas legjislacionit në fuqi.”
Manastirliu foli edhe për një reformë të re në arsimin parashkollor që do të nisë zbatimin e menjëhershëm.
