Autori i vrasjes së Meteo Vasiut, Klodian Çalamani, deklaron se është i sëmurë, ndërsa pritet shoqërimi i detyruar i tij në seancn e radhës, për t’u përballur me togat e zeza e familjarët e 8 vjecarit të ndjerë.
Klodian Çalamani, i akuzuar për kryerjen e veprave penale “Vrasje në rrethana të tjera cilësuese ndaj të miturit” dhe “Marrëdhënie seksuale ose homoseksuale me dhunë me të mitur”, nga e cila mbeti viktimë 8 vjeçari Mateo Vasiu, nuk është paraqitur sërish në gjykatën e Fierit. Burime pranë gjykatës së Fierit kanë bërë me dije se i pandehuri ka paraqitur një deklaratë përmes së cilës deklaronte se nuk paraqitej dot për arsye shëndetësore.
Ndërkohë në seancë janë paraqitur prindërit e 8 vjeçarit të ndjerë Mateo Vasiu si dhe halla e tij, që kanë qëndruar brenda sallës së gjyqit vetëm pak minuta, ndërsa togat e zeza i kanë bërë me dije se seanca e radhës do të jetë në datë 21 nëntor, në mesditë.
Të ndodhur përballë faktit që Klodian Calamani nuk është paraqitur në asnjë prej seancave gjyqësore në ngarkim të tij, gjykata ka vendosur shoqërimin e tij me forcë në seancën e radhës. Kujtojmë se nga hetimet rezultoi e provuar se në datën 16.11.2021 babai i Mateo Vasiut, ka bërë kallëzim penal rreth orës 14:58 pasi është njoftuar në telefon nga bashkëshortja se djali i mitur nuk ka ardhur në banesë dhe nuk dihej vendndodhja e tij, duke dhënë dhe karakteristikat e fëmijës dhe veshjen e tij.
