Një ngjarje e rëndë ka ndodhur mesnatën e së martës në Sukth, ku një 38-vjeçar ka mbetur i vrarë.
Policia ka njoftuar se shtetasi me inicialet F. D., është transportuar në spital për ndihmë mjekësore, por fatkeqësisht nuk u ka mbijetuar plagëve të marra dhe ka ndërruar jetë.
Ngjarja ndodhi në Katund, Sukth, te shinat e trenit, ku persona ende të paidentifikuar kanë qëlluar me armë zjarri 38-vjeçarin.
Në ndihmë të Policisë vendore janë nisur dy grupe të FNSH-së Tiranë.
Njoftimi i policisë:
Në Katund, Sukth, tek shinat e trenit, nga persona ende të paidentifikuar është qëlluar me armë zjarri shtetasi F.D, 38 vjeç, i cili u transportua menjëherë në spital për ndihmë mjekësore, por si pasojë e plagëve të marra ka ndërruar jetë në spital.
Shërbimet e Policisë me marrjen e njoftimit kanë shkuar menjëherë në vendngjarje.
Në ndihmë të Policisë vendore janë nisur dy grupe të Fnsh-së Tiranë.
Grupi hetimor ka shkuar në vendngjarje dhe në bashkëpunim me Prokurorin vijon veprimet për zbardhjen dhe dokumentimin e rrethanave të ngjarjes, me qëllim identifikimin dhe kapjen e autorit/ve.
Ndërkohë shërbimet e Policisë kanë ngritur pika kontrolli dhe vijon krehja e zonës.
