Prokuroria e Elbasanit ka kërkuar masën e arrestit me burg për 12 zyrtarët e IEVP Peqin. Gazetarja e Klan News, Glidona Daci raporton se ditën e sotme është dorëzuar kërkesa në Gjykatën e Elbasanit për vlerësimin e ndalimeve dhe caktimin e masës së sigurimit.
Sokol Mjacaj dhe 12 zyrtarët e IEVP së Peqinit akuzohen për krimin e ndodhur në burg ku mbeti i vrarë Arben Lleshi.
Ishte Mjacaj ai që qëlloi 5 herë me pistoletë dhe 4 prej plumbave i mori Arben Lleshi në qafë dhe gjoks, ndërsa i plagosur mbeti Indrit Shaqja që mori një plumb në pjesën e barkut ku ndodhet jashtë rrezikut për jetën.
Më herët, hetuesit kanë marrë në pyetje edhe 12 personat e tjerë të arrestuar për shpërdorim detyre, mes tyre drejtori i burgut Kamber Hoxha dhe funksionarët e tjerë. Ata kanë shpjeguar vetëm për rolin e pozicionit të tyre në punë, pa dhënë më tej shpjegime.
