Ngjarja e rëndë në Gramsh ku pas një konflikti mes të miturish një 16-vjeçar mbeti i vdekur, ka tronditur të gjithë Shqipërinë. Fation Bici, 16 vjeç, mbeti viktimë nga bashkëmoshatarët e tij, të cilët pas një konflikti ditën e djeshme e qëlluan me thikë në zemër, plagë e cila rezultoi fatale për të miturin i cili ndërroi jetë vetëm disa orë pas në spital.
Lidhur me këtë ngjarje ka reaguar edhe Shkolla 9-vjeçare “Asllan Shahini”, ku adoleshenti studionte. Përmes një postimi në rrejtet sociale të tronditur nga kjo ngjarje shkolla thotë se Fationi u ndodh rastësisht aty dhe se u përpoq që të ndante bashkëmoshatarët që po konfliktoheshin. Ai nuk ishte pjesë e sherrit që kishte nisur para disa kohësh në rrjete sociale, por ishte kushëriri i tij, Marko Liçi i cili mbeti i plagosur në këtë ngjarje.
Më tej shkolla sqaron se para se Fationi të largohej nga ambientet e shkollës ai ishte interesuar për motrën e tij të vogël në klasën e 6 , nëse ajo ishte larguar për në shtëpi apo jo.
Postimi i plotë:
Jemi thellësisht të tronditur,nga ngjarja e rendë që ndodhi sot në qytetin tonë,në të cilën humbi jetën Fationi,nxënës në klasën e IX.
Fationi mbaroi mësimin,si çdo ditë tjetër,u interesua duke pyetur rojen e shkollës, se a ishte larguar nga shkolla motra e tij më e vogël,nxënëse në klasën e IV,e pasi u sigurua se ajo ishte larguar,u nis për në shtëpi.
Në mes të lagjes,në mes të ditës,moshatarë të tij,nxënës edhe këta nga shkolla e fshatit Drize,konfliktuohen për biseda banale në rrjetet sociale,dhe konflikti kthehet në tragjedi…
Fationi u ndodh rastesisht aty, duke mos qënë ai pjesë e konfliktit në rrjetet sociale,por një i afërmi i tij.Ai u përpoq t’i ndante në grindje e sipër,por përfundoi viktima e këtij sherri banal.
Fationi u nis sot drejt Parajsës…
Do na mungosh të gjithëve,Fation i dashur!
Të qoftë dheu i lehte,o engjëll!
