Një 68-vjeçar u gjet pajetë mbrëmjen e sotme në qytetin e Vlorës. Policia ka sqaruar se 68-vjeçari Bashkim Dyrmishi, i cili u gjet i vdekur në banesën e tij në lagjen ”10 Korriku”, mund të ketë ndërruar jetë si pasojë e një arresti akrdiak.
Sa i përket dëmtimeve në nofull, viktma është dërguar në morg për t’i bërë një ekspertizë mjekoloigjore për të përcaktuar saktësisht shkaqet e dëmtimit.
Njoftimi:
Sot, rreth orës 19:02, në lagjen “10 Korriku”, Vlorë, është gjetur pa shenja jete në banesën e tij shtetasi B.D., 68 vjeç.
Paraprakisht, dyshohet se 68-vjeçari ka pësuar arrest kardiak.
Trupi i 68-vjeçarit do të transportohet në morg për ekspertizë mjekoligjore, për të përcaktuar saktësisht shkaqet e dëmtimit të konstatuar në fytyrë dhe të vdekjes.
Grupi hetimor, nën drejtimin e Prokurorisë, po punon për sqarimin e plotë të rrethanave të kësaj ngjarjeje.
