Hamasi ka liruar shtetaset amerikane, Judith Tai Raanan dhe vajzën e saj 17-vjeçare, Natali Raanan, të cilat u rrëmbyen gjatë sulmit fillestar kundër Izraelit, rreth dy javë më parë. Lajmi u njoftua nga autoritetet izraelite, të cilat bëjnë thirrje për lirimin e çdo pengu.
Sipas familjes së tyre, Raanans janë nga zona e Çikagos dhe kishin vizituar të afërmit në jug të Izraelit, kur u sulmua nga Hamasi, shkruan CNN.
Ata u dorëzuan në kufi përpara se të shkonin në një bazë ushtarake izraelite për t’u ribashkuar me familjen, sipas një deklarate nga zyra e kryeministrit. Ata janë aktualisht nën kujdesin e Forcave të Mbrojtjes të Izraelit, njoftuan autoritetet.
SHBA ka përshëndetur lirimin e pengjeve, ndërsa ka kërkuar lirimin edhe të të tjerëve.
