Policia e Tiranës po heton mbi vdekjen e 81-vjeçarit Xhemal Meta, që u gjet i pajetë dy ditë më parë para shtëpisë së tij në fshatin Zall Bastar.
Hetimet paraprake tregojnë se ai mund të jetë vrarë me sende të forta, për motive ende të panjohura. Në fillim u dyshua se i moshuari ishte rrëzuar duke përplasur kokën në një gur, por ekspertiza tregoi të kundërtën.
Policia ka shoqëruar mbi 20 persona, banorë të fshatit, për të hedhur më shumë dritë mbi ngjarjen.
Pista paraprake mbetet ajo e konflikteve të 81-vjeçarit me ndonjë banor të zonës.
I moshuari qëndronte vetëm në shtëpi, ndërsa familjarët e tij jetojnë në Tiranë.
