Ditën e djeshme qarkulloi lajmi se këngëtarë të njohur të muzikës shqiptare janë ndaluar nga policia zviceriane më 13 prill dhe u mbajtën në Komisariat për 48 orë. Ndër emrat e përmendur ishin Soni Malaj, Don Phenom dhe Sinan Vllasalliu.
Ky lajm ka sheqtësuar fansat e këngëtarëve që i ndjekin rregullisht në koncerte, por si Soni Malaj dhe Don Phenom e kanë parë të arsyshme të mos bëjnë një reagim konkret për ngjarjen, por kanë vijuar aktivitetin e tyre normalisht në rrjetet sociale.
Këngëtari Labinot Rexha, i cili do të këndonte gjithashtu në koncertin e 13 prillit tha për mediat në Kosovë se ai nuk u ndalua nga policia e Zvicrës, pasi ka të drejtë punë në atë vend. Ai tha se është i pajisur me nënshtetësi zviceriane.
Ai tha se kolegët e tij u ndaluan për shkak se nuk duhen përdorur vizat turistike për të punuar. Rexha tha se këngëtarët mund të ndëshkohen me ndalesë deri në 10 vite për të performuar në Zvicër.
