Një ngjarje e rëndë ka ndodhur ditën e sotme në Lushnjë, ku një çift të moshuarish janë gjetur të vdekur në banesën e tyre.
Sipas policisë, të moshuarit 90 dhe 81 vjeç janë gjetur pa shenja jete, ndërsa paraprakisht dyshohet se janë asfiksuar nga gazi.
Njoftimi i policisë:
Rreth orës 10:40, në fshatin Rrapëz, Lushnjë, janë gjetur në banesën e tyre, pa shenja jete, shtetasit L. K., 90 vjeç dhe Q. K., 81 vjeçe, të cilët dyshohet se kanë ndërruar jetë për shkak të asfiksisë nga gazi.
Grupi hetimor po punon për zbardhjen e plotë të ngjarjes dhe përcaktimin e shkakut të vdekjes.
