Në malësinë veriore nuk ka punë. Në kryeqytet, korrupsioni bllokon rrugën drejt suksesit për të rinjtë e diplomuar dhe nuk është çudi që po ndodh një eksod.
Kriza në marrëdhëniet mes dy vendeve, e ardhur nga anijet që kalojnë Kanalin me një numër gjithnjë në rritje të shqiptarëve, është reflektuar edhe në kalibrin e zyrtarëve, ushtarakë dhe politikë, të misionit britanik.
Javën e kaluar ishte Gjenerali Stuart Skeates, veterani që drejton përpjekjet për të frenuar kalimet. Këtë javë sekretarja e brendshme, Suella Braverman, pritet se do të zbusë zemërimin e shkaktuar nga përshkrimi i saj mbi shqiptarët si organizues të një “pushtimi” të MB-së.
Të enjten, teksa mosmarrëveshja u përshkallëzuan kryeministri i Shqipërisë, Edi Rama, e krahasoi retorikën e qeverisë britanike me “ulërimat e një çmendine”.
Por qendra e vërtetë e mosmarrëveshjes që e ka shtyrë Londrën të dërgojë delegacionet e saj nuk është në Tiranë, por gati 160 kilometra në veri-lindje, në malësitë e goditura nga varfëria e Shqipërisë.
Brenda pamjes së të ashtuquajturve “malet e mallkuara” të Alpeve Shqiptare, ata me fat kanë një punë të sigurojnë jetesën. Paga mesatare është vetëm 270€ në muaj.
Në qytetin e Kukësit, i cili pranoi mijëra refugjatë shqiptarë etnikë gjatë luftës së vitit 1999 në Kosovë, të rinjtë dhe të rejat raportohet se po ndjekin kurse intensive të gjuhës angleze për t’u bashkuar me miqtë dhe të afërmit në Britani.
Platformat e mediave sociale të përdorura nga kontrabandistët që operojnë në Kanalin e Doverit e kanë cilësuar javën e fundit mbi trazirat politike në MB si koha e përsosur për të rrezikuar kalimin.
Pothuajse të gjithë 12,000 shqiptarët që vlerësohet se kanë hyrë në MB këtë vit besohet se kanë ardhur nga malësitë veriore. Shumica e tyre nuk janë të arsimuar përtej shkollës fillore.
Kryetari i qytetit verior të Hasit ka premtuar të ngrejë një statujë të Mbretëreshës Elizabeth II në shenjë mirënjohjeje për të gjithë Britaninë që ka sjellë në zonën e tij përfitime në formën e remitancave.
ARTIKULL I THE GUARDIAN
