Mes valëve të të nxehtit, për shumë studiues, Korriku do të jetë muaji më i nxehtë i regjistruar ndonjëherë në botë. Kaq i nxehtë ka qenë muaji deri më tani, sa shkencëtarët janë të bindur se rekordi i vitit 2019 do të thyhet, edhe pse kanë mbetur disa ditë.
Disa ekspertë besojnë se Korriku mund të jetë muaji më i ngrohtë në 120,000 vitet e fundit. Shkencëtarët pajtohen se nxehtësia shtesë lidhet kryesisht me përdorimin e karburanteve fosile.
Studiuesit nuk janë të befasuar për faktin se Korriku do të thyejë rekordin aktual për muajin më të ngrohtë pasi ka shumë tregues në javët e fundit që dëshmojnë se bota po sheh shumë nivele të larta të ngrohjes globale.
Sipas Shërbimit të Ndryshimeve Klimatike Copernicus, dita më e nxehtë në botë u regjistrua në 6 Korrik dhe 23 ditët më të nxehta të regjistruara ndonjëherë ishin të gjitha këtë muaj.
Temperatura mesatare e tyre në botë për 25 ditët e para të muajit është 16,95 gradë Celsius, që është shumë më e lartë se shifra 16,63 gradë Celsius për të gjithë Korrikun 2019.
