Media britanike Daily Mail i ka kushtuar një artikull jetës luksoze të gangsterëve dhe kriminelëve shqiptar në Britani.
“Modele, makina, shtëpi 600 mijë paund e Rolex”, kështu e ka nisur artikullin Daily Mail. Më tje, media britanike sjell si shembull dy reperë, të cilët sipas tyre mbështesin jetën kriminale, teksa tallen me policinë britanike në tekstet e tyre.
“Me modelet e tyre, shtëpitë me vlerë 600,000 paund dhe Rolex-et e veshura me diamantë, reperët shqiptarë duket se kanë kapur majën. Reperë si MGee dhe Lucii janë në mesin e dhjetëra artistëve që grumbullojnë mijëra dëgjues në Spotify dhe YouTube falë këngëve të tyre, të cilat shpesh promovojnë krimin me armë dhe drogën, ndërkohë që godasin institucionet e Britanisë së Madje. Në postimet e mediave sociale dhe videot muzikore, disa yje të repit duket se mbështesin stilin e jetës kriminale teksa tallen me policinë britanike, të cilët i quajnë ‘derra’, ndërkohë që mburren se zotërojnë automatikë ‘Scorpion’.”- thuhet në artikull.
