Kryeministri Edi Rama ka deklaruar se në muajin mars do të hapen grupe kapitujsh të tjerë të negociatave për anëtarësimin e Shqipërisë në Bashkimin Europian. Gjatë një deklarate për mediat, Rama u ndal edhe tek zgjedhjet e 11 majit, duke theksuar se është shumë e rëndësishme që të gjithë të kuptojnë se Shqipëria duhet të ecë përpara drejt BE-së dhe jo të kthehet pas në një kënetë.
Rama theksoi se fiksimi i tij është që Shqipëria të shkruhet mes shteteve të tjera të Bashkimit Europian, duke nënvizuar se ky është qëllimi kryesor i angazhimeve të tij dhe të qeverisë që ai drejton. “Fiksimi im”, e quajti ai.
“Këtë ta vëmë në tryezën e BE, dhe Albania të rri aty njësoj si Italia si Eladha dhe të rri aty dhe të mos lëvizi më, ky është fiksimi, Të vendosim emrin tonë në tryezën e BE njëherë e përgjithmonë. Të jemi të barabartë mes të barabartësh. Ky është thelbi i gjithë përpjekjes time dhe kjo është arsyeja se pse i duroj të gjithë llojet e ligësive dhe maskarallëqesh që më hidhen orë e çast në fytyrë mua dhe familjes time”, tha Kryemnistri.
Kryeminsitri Edi Rama u shpreh që duhet që brenda 2027 të mbyllen negociata dhe të vendoset flamuri i Shqipërisë në Bashkimin Evropian.
“Është përputhur rritja e besueshmërisë tonë, respektit ndaj nesh falë nesh me nevojën e tyre për të zgjeruar BE. Në mars do të hapim grupkapituj të tjerë të negociatave. Kemi një mijë vetë që merren me negociatat dhe nuk ka asnjë minutë për të humbur. Në 11 maj duhet t’i japim fuqinë e këtij procesi. Imagjino të hymë ne në histori me Kujtim Gjuzin. Kujtim Gjuzi është fryma, pamja dhe gjithë simbolika e Shqipërisë Madhështore.
Ne na duhet Shqipëria në Bashkimin Europian. Alternative ndaj nesh është këneta, po të kthehemi mbrapsht ne Shqipërinë e kemi gjetur në kënetë, gjithë ato borxhe. Ishte një kënetë me gjithë ndërtime pa leje në të gjithë bregdetin…Kjo është e vërteta…4.8miliardë kanë hyrë vjet nga turizmi dhe kanë shkuar në të gjithë zinxhirin se turizmi konsiderohet eksport për arsye se vijnë nga jashtë për të konsumuar këtu dhe shfrytëzon të jashtmit për të fuqizuar të brendshmit. 57 % e atyre që sot kanë një pagë në këtë vend, nuk paguajnë taksë…”,
Kur ne filluam të bëhemi më të pranueshëm ata humbën dëshirën për zgjerimin dhe në këtë moment janë përputhur gjërat. Ne hapën, ulëm në tryezë vjet dhe na është dhënë dhe kemi rënë dakord t’i mbyllim negociatat në vitin 2027. Nuk i ka ndodhur asnjë vendi tjetër, Kroacisë i janë dashur 7 vite.,tha Rama.
