Një shpërthim me tritol është regjistruar mëngjesin e kësaj të diele në lagjen “Uji i Ftohtë”, në Vlorë.
Mësohet se ngjarja dyshohet të ketë ndodhur për hakmarrje, pasi lokali ishte në pronësi të Bledar Birçaj.
Birçaj u ekzekutua me breshëri plumbash në 10 maj të vitit 2021 në makinën e tij në zonën e quajtur Bishti i Kalldrëmit.
Lokali ka qënë me qera, dhe është marrë sërish nga pronarët (vëllezërit e Bledarit) të cilët kanë pak kohë që e kanë vënë në punë. Lokali është në emër të nënës Resmie Birçaj.
Ndërkohë, në vendngjarje kanë mbërritur dhe specialistët të njësisë antieksploziv, të cilët po bëjnë kontrolle në lokalin ku është vendos tritoli.
Kush është Bledar Birçaj
Birçaj u ekzekutua me breshëri plumbash në 10 maj të vitit 2021 në makinën e tij në zonën e quajtur Bishti i Kalldrëmit, rreth orës 13:00. Birçaj ishte në makinë me kushëririn dhe mikun e tij.
Kur mjeti BMW ka mbërritur në vendngjarje, menjëherë nga makina kanë dalë 2 persona, të maskuar dhe të armatosur. Ata kanë qëlluar me breshëri plumbash në drejtim të shoferit dhë më pas kanë nxituar të arratisen.
Në drejtim të automjetit u qëllua mbi 30 herë. Autorët u larguan, ndërsa Birçaj u dërgua në spital, ku humbi dhe jëtën. Në 2011 Birçaj ishte hetuar për një vrasje, por u la i lirë në atë kohë për mungesë provash.Një tjetër version për vrasjen e tij është edhe pista e prishjes se pazareve të drogës.
