Banorët e një pallati në Pogradec janë zgjuar të tronditur mëngjesin e kësaj të hëne si pasojë e një shpërthimi me lëndë plasëse.
Nga informacionet e para bëhet e ditur se lënda plasëse ishte hedhur në sheshpushimin e pallatit midis katit të parë dhe katiti të dytë, në afërsi të banesës së shtetasit me inicialet M. B.
Policia ka njoftuar se ngjarja ka ndodhur rreth orës 02:30, ndërsa raportohen vetëm dëme materiale. Ndërkohë po vijohet puna për zbardhjen e rrethanave të ngjarjes, identifikimin dhe kapjen e autorit/ve
Njoftimi i policisë:
Pogradec/Informacion paraprak
Rreth orës 02:30, në sheshpushimin e një pallati midis katit të parë dhe katiti të dytë, në afërsi të banesës së shtetasit M. B, është hedhur një sasi e vogël lëndë plasëse dhe si pasojë ka vetëm dëme materiale.
Grupi hetimor nën drejtimin e Prokurorisë vijon punën për zbardhjen e rrethanave të ngjarjes, identifikimin dhe kapjen e autorit/ve.
