Në Kopshtin Zoologjik të Shkupit ndodhet shimpanzeja më e vjetër në botë, Mimi, që është rreth 60-vjeç.
Kopshti Zoologjik i Shkupit ekziston që nga viti 1926 dhe me kalimin e viteve është zhvilluar në aspektin hapësinor dhe është rritur edhe numri i kafshëve. Sot në Kopshtin Zoologjik të Shkupit ekzistojnë rreth 600 kafshë dhe 93 specie të ndryshme.
Ndërkaq, më atraktive këtë vend e bën edhe prezenca e shimpanzesë më të vjetër në botë Mimi, e cila ka pesë vjet që gjendet në Kopshtin Zoologjik të Shkupit.
Mimi ka rreth pesë vjet e gjysmë në Shkup. Ajo i përket llojit Bonobo të shimpanzeve, që dallon nga ajo e zakonshme.
Mimi ka ardhur nga Afrika në një cirk në Gjermani, nga aty në Holandë dhe rrugëtimi i sạj ka arritur deri në Kopshtin Zoologjik në Shkup.
Shimpanzeja Mimi është e sëmurë, ka problem me zemrën dhe mushkëritë dhe duhet të marrë terapi çdo ditë për gjithë jetën.
Një pjesë të terapisë e merr në mëngjes në orën 9:00, pjesën tjetër në mesditë, por duhet ta marrë për gjithë jetën, pasi kjo i jep mundësi të jetojë më gjatë.
