Kryeministri Edi Rama ndodhet në një konferencë për median në përfundim të takimit dyditor informal të qeverisë në Shëngjin.
Pasi bëri një pasqyrë të diskutimeve kryesore, Rama iu përgjigj pyetjeve të gazetarëve.
Kreu i qeverisë foli për ndryshimin më të ri në kabinetin qeveritar, krijimin e ministrisë së Ekonomisë, Kulturës dhe Inovacionit në krye të cë cilës propozoi Blendi Gonxhen. Ai theksoi se ky ndryshim nuk ka të bëjë me persona, pra me shkarkimin e Elva Margaritit si ministre e Kulturës, por me nevojën për të pasur një sistem më efiçent.
Rama: Ministria e re nuk është bërë për të larguar Margaritin. Jemi në kohën kur ekonomia jonë, sektori, pjesa institucionale që mbulon ekonominë do një shtysë të re dhe të fortë sepse janë një sërë sfidash, dhe në kohën kur inovacioni është ekonomi dhe kërkon po ashtu një udhëheqje dhe një orientim të drejtpeërdrjetë që nuk mund ta bëjë kush tjetër në këtë fazë.
Janë krijuar sisteme të mbyllura që nuk komunikojnë me njëri-tjetrin. Pse Parlamenti u godit me sukses dhe lehtësi nga armiqët tanë kibernetikë? Sepse ishte jashtë sistemit. Ishte një kisoskë. Ne kemi ende shumë kioska të tilla të cilat janë jashtë sferës së kompetencës së drejtpërdrejtë të pushtetit ekzkekutiv.
Në kushtet e kësaj epoke që e ka sjellë luftën kibernetike duke u shtuar…është një luftë që kërkon një sistem mbrojtjeje. Siç kemi një ushtri që mbulon gjithë territorin e Shqipërisë, duhet të kemi një forcë unike ku sigurisht institucionet kanë pavarësinë e tyre në përdorimin e pjesës së tyre të sistemit, por sistemet nuk mund të jenë sisteme kioska.
Inovacioni është një problem në rast se ne nuk i marrim të gjitha të mirat dhe nga ana tjetër ëhstë një bekim për vende si i yni që përmes inovacionit mund të bëjnë kapërcime që në kohën para teknologjisë së lartë do ishin të pamundura. Kultura është bashkuar aty për t’i dhënë mundësi shqfrytëzimit të potencialit që kultura ka për ekonominë. Kultura nuk është vetëm ekspozim i asaj që ke. Kjo nuk ka lidhje me persona, por me nevojën që sistemi të bëhet më eficient.
