Kryeministri Edi Rama gjatë takimin me kandidatët socialistë të Qarkut të Beratit, u ndal sërish te integrimi i Shqipërisë në BE.
Ai tha se për herë të parë Shqipëria ka mundësi reale për tu bërë pjesë e familjes së madhe europiane.
Sipas tij në 11 maj i duhet dhënë një tjetër shtysë vendit, e kjo vjen vetëm duke votuar për Partinë Socialiste, në mënyrë që të mos ndalet rruga drejt BE.
“Qysh prej zgjedhjeve të ndryshimit të 1992, nuk kemi pasur asnjëherëz gjedhje që kemi të bëjmë me fatin evropian të Shqipërisë, të ketë pasur peshë gjeopolitike, jo thjesht se kush do fitojë brenda vendit, por a do fitojë apo jo vendi, në pozicionin e vet në raport me hartën e Evropës. Ky është 11 maji. Për herë të parë na është hapur mundësi konkrete dhe reale për t’u futur në Bashkimin Evropian. Sot, na ka ardhur dita para syve dhe sot na ka ardhur zogu në dorë, janë përputhur yjet e fatit të Evropës dhe yjet e fatit të Shqipërisë. Ne na është dhënë një kalendar pune deri në 2027 për të mbyllur negociatat”, theksoi ai.
