Opozita ka nisur ditën e sotme protestën në Tiranë për të kërkuar largimin e kryeministrit Edi Rama dhe krijimin e një qeverie teknike që do të çojë vendin drejt zgjedhjeve parlamentare.
Opozita ka zgjedhur këtë herë si formë proteste bllokimin e 5 pikave kyçe në kryeqytet përreth 3 orë.
Në një nga akset ku po zhvillohet protesta, kryesisht në Rrugën e Elbasanit Policia u ka bërë thirrje qytetarëve të largohen nga rruga. Policia njofton se ndalimi i qarkullimit penal është vepër penale dhe dënohet nga ligji.
“Policia do zbatojë ligjin. Qytetarë, ju lutem largohu nga rruga. Po bllokoni qarkullimin e mjeteve dhe qytetarëve. Ndalimi dhe bllokimi i rrugëve përbën vepër penale dhe dënohet nga ligji. Policia do zbatojë ligjin”, tha policia.
Ndërkohë qytetarët dhe përfaqësuesit e opozitës janë përplasur me policinë, pasi kanë refuzuar të hapin qarkullimin rrugor.
