Sali Berisha ka zhvilluar këtë të mërkurë një mbledhje me grupin parlamentar të Partisë Demokratike.
Nga mbledhja, Berisha iu bëri thirrje qytetarëve të lënë çdo gjë e të paraqiten para parlamentit të enjten.
Ora e protestës është vendosur në 10:00, që përkon edhe me hyrjen e kryeministrit Rama në Kuvend.
“Nesër është një ditë prove, prove e fortë. Protesta është thirrur në ora 10, sepse në orën 10, RamGonigali hyn në parlament. A ka përdhosje më të madhe për atë parlament se hyrja e kryeministrit si RamGonigali?
Prandaj qytetarë, siç zhvilluam të hënën që kaloi një betejë të shkëlqyer brenda dhe jashtë parlamentit, i bëj thirrje cilitdo, që ka minimumin e mundësive, të lërë çdo gjë dhe të vijë nesër në orën 10 në protestë. RamGonigali nuk duhet të hyjë në parlament. Edhe po hyri, duhet të mbetet nën presionin e tmerrshëm të revolucionit aty ku është, brenda parlamentit.”– tha Berisha.
