Presidenti i Republikës Bajram Begaj ka dekretuar propozimin e Kryeministrit për emërimin në detyrë të Adea Pirdenit, si ministre e Shtetit për Administratën Publike dhe Antikorrupsionin.
Kjo është një Ministri e re dhe pa portofol që u paralajmërua nga Kryeministri Rama javën e kaluar, kur njoftoi dhe emërimin në detyrë të znj.Pirdeni.
Dekreti i Presidentit Begaj për ministren e re të kabinetit qeveritar pritet të votohet sot në Parlament dhe më pas të marrë detyrën zyrtarisht.
Një prurje e re në qeveri që është dekretuar nga Presidentit dhe pritet të votohet gjithashtu sot në Parlament, është ai i Blendi Gonxhes, që është emëruar nga Kryeministri si ministër i Ekonomisë, Kulturës dhe Inovacionit.
