Një sherr mes të rinjsh në Elbasan ka çuar në plagosjen e njërit prej tyre. Bëhet me dije se të rinjtë janë konfliktuar me sende të forta. Sherri ka ndodhur në Bulevardin e qytetit.
I plagosur ka mbetur Kei Piu, 26 vjeç, i cili njihet në Elbasan, pasi në 2020 i ka shpëtuar një atentati me armë zjarri në qendër të qytetit, ku mori tre plumba në bark.
Sakaq policia ka identifikuar autorin dhe e ka shpallur në kërkim, ndërkohë që po punohet për zbardhjen e plotë të ngjarjes.