Pësoi arrest kardiak në timon, humb jetën shoferi 45-vjeçar në Shkodër

Miks Albania

Një aksident i rëndë është regjistruar mbrëmjen e kësaj të mërkure (08 janar) në Shkodër. Një 45-vjeçar ka pësuar arrest kardiak në timon dhe ka humbur kontrollin e automjetit.

Si pasojë, është përplasur me dy automjete. Fatkeqësisht, 45-vjeçari ka ndërruar jetë në spital.

“Rreth orës 20:20, në lagjen “Naim Gjylbegu” shtetasi 45 vjeç, duke drejtuar automjetin e tij, dyshohet se ka pësuar arrest kardiak dhe për pasojë ka humbur kontrollin mbi drejtimin e automjetit duke u përplasur me 2 automjete të parkuara.

Shtetasi ka humbur jetën në Spitalin Rajonal Shkodër.

Grupi hetimor po punon për sqarimin e plotë të rrethanave dhe shkakut të këtij rasti”,thuhet në njoftimin e policisë.

Copyright © 2025 Miks News. All rights reserved.