Në kuadër të megaoperacionit policor të koduar “Sundimi i ligjit” ka rënë në pranga 27-vjeçari me iniciale R.I, banues në Maqellarë të Dibrës.
Policia njofton se i riu ishte në kërkim pasi Gjykata e Shkallës së Parë Tiranë i kishte caktuar masën e sigurisë “arrest me burg” për veprën penale “përndjekja” pasi për 1 vit ka përndjekur një 29-vjeçare.
I riu është kapur dhe ndaluar nga uniformat blu në Rrugën e Elbasanit në Tiranë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Njoftimi i Policisë:
Vijojnë kontrollet intensive në kuadër të megaoperacionit “Sundimi i ligjit”.
Përndoqi një shtetase, për 1 vit, kapet dhe vihet në pranga, nga strukturat e Komisariarit të Policisë Nr. 1, 27-vjeçari.
Në zbatim të masave të hartuara në kuadër të megaoperacionit policor të koduar “Sundimi i ligjit”, strukturat e Komisariatit të Policisë Nr. 1, bazuar në informacionet e siguruara në rrugë operative, mbi vendndodhjen e një shtetasi në kërkim, kanë intensifikuar kontrollet për kapjen dhe vënien e tij, përpara përgjegjësisë ligjore.
Si rezultat, në Rrugën e Elbasanit, është kapur dhe ndaluar shtetasi R. I., 27 vjeç, banues në Maqellarë, Dibër.
Gjykata e Shkallës së Parë e Juridiksionit të Përgjithshëm Tiranë i ka caktuar 27-vjeçarit, masën e sigurisë “Arrest në burg”, për veprën penale “Përndjekja”, pasi për 1 vit, ka përndjekur një shtetase 29 vjeçe.
Megaoperacioni “Sundimi i ligjit” vazhdon.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
