Një tërmet nënujor me magnitudë 6.0, sipas Agjencisë Meteorologjike dhe Sizmologjike të Japonisë (JMA), ka ndodhur sot në brigjet e prefekturës Fukushima në verilindje të Japonisë, por nuk ka rrezik për të shkaktuar cunami.
Sipas mediave japoneze, deri më tani nuk raportohet për viktima apo dëme. Tërmeti , i cili u ndje në kryeqytetin Tokio, erdhi një ditë pas një tërmeti shumë të fortë nënujor pranë Tajvanit që vrau nëntë njerëz dhe plagosi më shumë se 1000 të tjerë në ishull, me rreth 50 të tjerë ende të zhdukur.
