Është bërë publike për mediat deklarata e “terroristit” Gjergj Laçi, personi i cili mbajti për 6 vite të ngujuar familjen e tij.
Në fjalën e tij nga komisariati 4 dhe Anti-terrori 52-vjeçari ka mohuar akuzat se ndaj gruas dhe dy fëmijëve Albanit dhe Sulltanit ka ushtruar dhunë.
Sipas deklarimit të tij në polici ai ka thënë se një gjë e tillë nuk ka ndodhur në familjen e tij, teksa është shprehur se e ka mbejtur familjen e tij nga e keqja, sipas parimeve fetare.
Për sa i përket municionit të gjetur në banesë, Laçi është shprehur se këto i dispononte që nga viti 1997 dhe se kishin mbetur aty pa u përdorur.
Tashme gruaja dhe fëmijët janë dërguar në një qendër sociale ku do të merren në pyetje në prani të një psikologu. Pritet që nesër i arrestuari të dalë para Gjykatës së Tiranës.
Të dielën Forca e Ndërhyrjes së shpjejtë shpëtuan nga tmerri 6-vjeçar anëtarët e një familje në Tiranë. Gjergji Laçi 52 vjeç i njohur dhe me emrin Gjergj, mbante të ngujuar bashkëshorten dhe fëmijët e tij të mitur për shkak të bindjeve radikale.
Ndërhyrja e antiterrorit dhe policisë u krye në zonën e ‘5 Majit’, atje ku familja jetonte në kushte të vështira ekonomike.
Policia sekuestroi armë të ftohta dhe fishekë, ndërsa krahas ngujimit, kryefamiljari ushtronte dhunë të vazhdueshme ndaj gruas dhe fëmijëve, 15 dhe 17 vjeç. Këta të fundit pasi kishin përfunduar arsimin 9-vjeçar, u ishte ndërprerë vijimi i gjimnazit nga i ati.
Laçi është një emër i njohur për policinë pasi në vitin 2013 është arrestuar nga forcat RENEA për shkak se qëllonte në ajër me automatik duke alarmuar banorët e zonës.
