Balla: Autorët e çdo ngjarje do t’i gjejmë kudo të fshihen
4 shqiptarë të dënuar nga drejtësia janë ekstraduar drejt vendit tonë në 24 orët e fundit. Mes tyre ishte dhe një 38-vjeçar i identifikuar si Sebastian Varaku, i shpallur në kërkim për vjedhjen e një banke të nivelit të dytë në 2015. Për këtë ngjarje të regjistruar në Shijak, gjykata e Durrësit e ka dënuar 38-vjeçarin me 6 vite e 8 muaj burg.
Lidhur me këto ekstradime të finalizuara nga Interpol Tirana reagoi dhe Ministri i Brendshëm, Taulant Balla. Ai paralajmëroi se policia po punon për të gjetur autorin e çdo krimi kudo të fshihet, reagim ky që vjen dhe pak orë pas ngjarjes kriminale në Fushë Krujë.
