Zëvendësministri i Infrastrukturës dhe Energjisë, Gjergji Simaku është shkarkuar nga detyra. Në vend të tij është emëruar Endrit Molla. Vendimi është marrë në mbledhjen e Këshillit të Ministrave ditën e sotme.
Gjergji Simaku mbante postin e zëvendësministrit në Ministrinë e Infrastrukturës dhe Energjisë që prej muajit dhjetor 2020.
Vendimi:
LIRIM NGA DETYRA
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave.
V E N D O S I:
Gjergji Simaku, zëvendësministër i Infrastrukturës dhe Energjisë, lirohet nga kjo detyrë. Ky vendim hyn në fuqi menjëherë.
EMËRIM NË DETYRË
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
Endrit Molla emërohet zëvendësministër i Infrastrukturës dhe Energjisë. Ky vendim hyn në fuqi menjëherë.
