Aktori Kevin Conroy, i njohur si personi që i dha zë superheroit Batman, në serialin e animuar “Batman: Animated Series”, ka ndërruar jetë në moshën 66-vjeçare.
Shkak i vdekjes ka qenë një sëmundje e rëndë, e cila e kishte munduar për disa vite aktorin ikonik. Kevin bëri emër në vitet ’90 kur dha zërin për Batman – AKA Bruce Ëayne – në Batman: The Animated Series. Ai vazhdoi rolin në filmat vizatimorë si Batwoman, video lojën Arkham Knight dhe madje edhe episodet speciale të Scooby Doo.
Diane Pershing, aktorja e cila dha zërin për Poison Ivy, konfirmoi lajmin në një deklaratë emocionale, duke shpjeguar: “Lajm shumë i trishtuar: zëri ynë i dashur i Batman, Kevin Conroy, vdiq dje”.
Duke shkruar në Facebook, aktorja vazhdoi: “Ai ka qenë i sëmurë për një kohë, por ai me të vërtetë kaloi shumë kohëduke e fshehur, për gëzimin e të gjithë fansave të tij. Ai do t’i mungojë shumë jo vetëm kastit të serialit, por legjionit të tij të fansave në të gjithë botën.”
