Një aksident me pasojë vdekjen e një personi ka ndodhur në aksin Delvinë-Kardhiq.
Bëjnë me dije se ka qenë një grup motoristësh që udhëtonte në zonë, kur në vendin e quajtur “Kthesa e Senicës”, një prej tyre ka dalë nga rruga. Si pasojë e rënies së motorit, ka humbur jetën Astrit Lamaj, 53 vjeç.
Pavarësisht mbërritjes së autoambulancës në vendin e ngjarjes, nuk është bërë dot i mundur shpëtimi i tij. Policia ndodhet në vendin e ngjarjes për zbardhjen dhe dokumentimin e plotë të rrethanave të aksidentit.
