Gjykata e Apelit të Juridiksionit të Përgjithshëm ka lënë në burg Altin Çokun, i arrestuar per “Shkaktim vetëvrasje”.
Personazhi Tik-Tokut kërkonte një masë më të butë sigurie për shkak të gjendjes shëndetësore.
Altin Çoku u arrestua nga policia me akuzën se ka shtyrë drejt vetëvrasjes 27-vjeçaren, Sibela Abedini, e cila u hodh nga pallati në Kamëz. 39-vjeçari rezulton një emër i njohur për policinë, në një tjetër rast të dyshuar shantazhi me foto intime ndaj një vajze në Laç.
Çoku është i njohur nga përdoruesit e Tik Tok për videot e tij me gjuhë të denigruese, ku në komunikimet live që ai bën me personazhet e këtij rrjeti, shan dhe përdor fjalor të papërshtatshëm për njerëz të ndryshëm.
