Pasi Pallati Mbretëror bëri të ditur lajmin se Mbreti Charles III është diagnostikuar me kancer, BBC News ka mësuar se Princ Harry do të udhëtojë nga Kalifornia për në Mbretërinë e Bashkuar për të vizituar babain e tij.
Më tej, burime për median prestigjioze kanë bërë të ditur se Princi Harry ka komunikuar me Mbretin Charles III për të mësuar si paraqitet gjendja e tij shëndetësore.
Ndërkohë, në deklaratën zyrtare, Pallati Buckingham thotë se Mbreti është shumë pozitiv në lidhje me trajtimin e tij dhe pret që të kthehet në detyrën e plotë publike sa më shpejt të jetë e mundur, megjithatë do t’i shtyjë angazhimet e tij publike.
Edhe pse ai do të ndalojë ngjarjet e tij publike, Pallati Mbretëror bën të ditur se Mbreti 75-vjeçar do të vazhdojë me rolin e tij kushtetues si kreu i shtetit
