Një aksident ka ndodhur mbrëmjen e sotme te mbikalimi në Vorë. Paraprakisht bëhet me dije se mjeti tip “Peugeot” i drejtuar nga shtetasi L. B., 25 vjeç humbi kontrollin, duke dalë nga rruga.
Si pasojë mbetën të plagosur shoferi dhe dy pasagjerët, përkatësisht vëllezër, të cilët janë dërguar në spital për të marrë ndihmën e parë mjekësore. Grupi hetimor po punon për sqarimin e rrethanave të aksidentit.
Tiranë/Informacion paraprak:
Më datë 19.04.2023, rreth orës 18:50, te mbikalimi në Vorë, shtetasi L. B., 25 vjeç, duke drejtuar automjetin tip “Peugeot”, dyshohet se ka humbur kontrollin mbi drejtimin e tij dhe automjeti ka dalë nga rruga.
Si pasojë janë dëmtuar drejtuesi i automjetit, shtetasi L. B., dhe dy pasagjerët, shtetasit M. Gj., 22 vjeç, dhe A. Gj., 23 vjeç, (vëllezër) të cilët ndodhen në spital, nën kujdesin e mjekëve. Grupi hetimor po punon për sqarimin e rrethanave të aksidentit.
