Makina del nga rruga në Lushnje, përfundon në tokat bujqësore

Një aksident ka ndodhur në aksin Lushnje-Berat, pranë fshatit Kashtëbardhë. Një makinë ka dalë nga rruga dhe ka përfunduar në tokat bujqësore.

Ngjarja është regjistruar rreth orës 01:30 të mëngjesit.

Si pasojë e aksidentit janë shënuar dëme të shumta materiale.

Ndërkohë shoferi është dërguar në spital dhe ndodhet nën kujdesin e mjekëve.

Policia po heton dhe po punon për zbulimin e shkaqeve të plota të këtij aksidenti.

Copyright © 2025 Miks News. All rights reserved.