Një laborator i përpunimit të drogës është zbuluar në fshatin Frakull e Madhe në Fier.
Burime për Vizion Plus bëjnë me dije se laborati ishte i vendosur brenda një banese.
Banesa është në pronësi të shtetasit Viktor Çervanaku, i cili ka qenë kryetar i Komunës Frakull e Madhe.
Burimet bëjnë me dije gjithashtu se banesa ruhej nga një tjetër banor I zonës ndërsa, Çervanaku jeton në Tiranë.
Në vendin e ngjarjes kanë shkuar forca të shumta policie si edhe një kamion i ushtrisë.
