Një ngjarje e rëndë ka ndodhur pak pas mesnate në aksin “Thumanë-Krujë.
Rreth orës 00:40, dyshohet se gjatë një konflikti për motive të dobëta, është goditur me sende të forta shtetasi P. N., 57 vjeç, i cili për pasojë ka humbur jetën.
Shërbimet e Policisë kanë kapur dhe shoqëruar autorin e dyshuar, si edhe një tjetër shtetas që mund të ketë dijeni për ngjarjen.
Për shkak të hetimeve në vijim, identiteti i tyre nuk bëhet publik.
Grupi hetimor, në drejtimin e Prokurorisë, po punon për zbardhjen dhe dokumentimin e plotë të rrethanave të ngjarjes.
Në përfundim të veprimeve hetimore, pritet të jepet informacion i plotë.