Safet Gjici, i arrestuar për akuzën e korrupsionit pasiv të funksionarëve vendorë, do dalë përpara Gjykatës së Apelit të Posaçëm më datë 14 Korrik, ora 11:00. Shorti ka caktuar gjyqtaren Saida Dollani për të shqyrtuar ankimimin e Gjicit për një masë më të lehtë sigurie.
Ish kryebashkiaku i Kukësit ankimoi masën e arrestit me burg, nëpërmjet avokatit të tij mbrojtës, me argumentin se tenderi që flitet në video nuk është shpallur asnjëherë nga bashkia e Kukësit dhe se klienti i tij nuk ka kryer asnjë shkelje të ligjit.
