Lidhjet mund të jenë të komplikuara për shumë njerëz, prandaj me siguri ju ka ndodhur të dëgjoni fjali të tipit “Jam më mirë vetëm”.
Kjo mund të jetë e vërtetë, veçanërisht nëse personat që e thonë janë një nga këto shenja:
Virgjëresha
Një Virgjëreshë ka aq shumë gjëra për të bërë dhe plane për të realizuar, saqë ka shumë të ngjarë që ajo ta shijojë lehtësinë e të qenit beqare.
Pa një marrëdhënie për t’u shqetësuar, është shumë më e lehtë për ta të përmbushin të gjitha qëllimet e tyre.
Njerëzit e kësaj shenje janë të zënë duke u zgjuar herët dhe duke u marrë me aktivitetet e tyre. Ata s’kanë kohë që qëndrojnë deri në orët e vona duke pëshpëritur fjalë romantike në veshët e partnerit. Për të mos përmendur faktin se ata janë kaq përzgjedhës për partnerët, sa askush “nuk është i mirë sa duhet”.
Shigjetari
Për një aventurier si Shigjetari, një lidhje nuk është gjithmonë opsioni më i mirë. Kjo nuk do të thotë se ata s’janë romantikë, thjesht janë një “shpirt aq i lirë”, sa për ta është e vështirë të bëjnë kompromise për hir të një marrëdhënieje.
Ata preferojnë të takojnë shumë njerëz dhe të udhëtojnë në skajet më të largëta të botës.
Ujori
Në vend që të shqetësohet se si ata mund të përshtaten në botën e dikujt tjetër, Ujori shqetësohet më shumë se si një partner i mundshëm mund të përshtatet në të tyren. Një Ujor është kaq individualist, i vërtetë ndaj vetvetes dhe i pazëvendësueshëm sa nuk do ndryshonte asgjë për askënd. Nuk nxitohet asnjëherë për një marrëdhënie, sepse në fund të fundit, ai është shumë i lumtur edhe vetëm.
