Organizata për të drejtat e njeriut Human Rights Watch akuzon Izraelin se ka përdorur bomba e municione me fosfor të bardhë, në bombardimet e tij të fundit në Rripin e Gazës dhe Liban.
Kimikati i djegshëm, që përgjithsisht përdoret nga ushtritë për të shënuar zonat mund të shkaktorjë dëme të mëdha te njerëzit dhe është shumë i rrezikshëm kur përdoret si armë, veçanërisht nëse lëshohet në zona të banuara.
Ushtria izraelite reagoi menjëherë pas këtyre pretendimeve të organizatës, duke thënë se momentalisht nuk është përdorur në asnjë rast armatimi me fosfor të bardhë në Gaza.
Human Rights Watch pretendon se kishte analizuar disa të filmuara në Gaza dhe Liban që shfaqnin predha artilerie me fosfor të bardhë duke shpërthyer. Fosfori i bardhë ndizet kur bie në kontakt me oksigjenin, duke prodhuar tym të bardhë të dendur.
“Përdorimi i fosforit të bardhë në Gaza, një nga zonat me popullsinë më të dendur në botë, rrit rrezikun për civilët dhe shkel ligjin ndërkombëtar humanitar për vënien e civilëve në rrezik të panevojshëm,” tha grupi i të drejtave në një deklaratë.
Fosfori i bardhë nuk është i ndaluar sipas ligjit ndërkombëtar sepse ka përdorime të ligjshme, por për shkak të efekteve të dëmshme që mund të ketë tek njerëzit, përdorimi i tyre është përcaktuar qartë.
Forcat e armatosura të Izraelit e përdorën fosforin e bardhë si perde mbrojtjëse gjatë ofensivës në Gaza në vitet 2008-2009. Disa grupe të të drejtave pretenduan për krime lufte në atë kohë.
