Pëllumb Shpati, shefi i Krimeve në qytetin e Shkodrës, të cilit iu vendos tritol në banesë në orët e para të mëngjesit të kësaj të premteje ka deklaruar se nuk ka konflikte me askënd dhe se nuk e di se kush mund të jetë autor i vendosjes së lëndës plasëse.
“Nuk kam asnjë konflikt me askënd dhe nuk e di se kush mund ta ketë bërë”-ka deklaruar ai.
Më herët, në një reagim për gazetarët, babai i tij Gjergj Shpati, tha se shpërthimi ishte tejet i fortë dhe shkaktoi dëme materiale.
Në banesë jetojnë 3 familje, gjithsej 17 persona, nga kati i parë në të tretë. Gjergj Shpati dyshon se gjithçka ka ndodhur për shkak të detyrës së të birit.
