Të shtëna me armë zjarri janë regjistruar pasditen e sotme pranë spitalit pediatrik në Tiranë.
Mësohet se nga të shtënat ka mbetur i plagosur një efektiv i repartit “Shqiponja”.
Edlir Alleshi ka qenë në ndjekje të një personi, por gjatë aksionit polici është qëlluar dy herë me pistoletë.
Sipas informacioneve, plumbat e kanë qëlluar efektivin në pjesën e barkut. Ai ndodhet në spital dhe i është nën shtruar një ndërhyrje kirurgjikale dhe është jashtë rrezikut për jetën.
Ndërkohë, policia po vijon punën për arrestimin e autorit, i cili është larguar me një makinë nga vendi i ngjarjes.
