Kreu i Partisë së Lirisë, Ilir Meta, i ndodhur prej një jave në qeli për akuzat për “korrupsion”, “pastrim parash” dhe “mos deklarim të pasurisë”, ka zhvilluar sot takimin e tij të parë me familjen.
Gazetarja Klodiana Lala bën me dije se Metën e vizituan sot në burgu “313” djali, vajza e tij dhe motra, pasi SPAK dha leje që ish-presidenti i Republikës të vizitohet në burg nga të afërmit.
Gjatë ditëve të pata te “313”-a Meta ishte vizituar në burg vetëm nga avokati i tij, Genc Gjokutaj.
Kreu i Partisë së Lirisë u arrestua një javë më parë për akuzat korrupsion, pastrim parash dhe fshehje pasurie. Për të njëjtat vepra penale akuzohet dhe Kryemadhi.