Një 51-vjeçar në Mirditë ka humbur jetën ditën e sotme aksidentalisht.
Sipas uniformave blu dyshohet se ky shtetas kishte shkuar në Spaç, bashkë me kushëririn e tij, për të rregulluar një mjet ekskavator.
Gjatë punës, duke ndërruar transmisionin e këtij mjeti, kriku ku mbahej i fiksuar transmisioni është këputur dhe ka goditur 51-vjeçarin i cili për pasojë ka humbur jetën.“Më datë 10.12.2024, është dërguar në spital, pa shenja jete, shtetasi F. P., 51 vjeç, banues në Malaj, Mirditë. Nga veprimet e para dyshohet se ky shtetas kishte shkuar në Spaç, bashkë me kushëririn e tij, shtetasin P. P., për të rregulluar një mjet ekskavator në ofiçinën ku shtetasi P.P është përgjegjës.
Gjatë punës, duke ndërruar transmisionin e këtij mjeti, kriku ku mbahej i fiksuar transmisioni është këputur dhe ka goditur shtetasin F. P., i cili për pasojë ka humbur jetën”, thotë policia.
Grupi hetimor po punon për sqarimin e rrethanave të rastit.
