Në Katar do të startojë sot Kupa e Botës. Një kompeticion i zakonshëm, në një vend të jashtëzakonshëm. 32 skuadra do të luftojnë për trofeun më prestigjioz në botë. Gjithçka do të startojë në orën 16:00 me ceremoninë spektakolare, për t’i lënë më pas vendin ndeshjes hapëse mes Katarit dhe Ekuadorit.
Në Newsport.al do të keni mundësi të qëndroni të informuar minutë pas minute rreth gjithçkaje që ndodh në këtë event fantastik. Fillimisht do të jetë kënga hapëse, fjala e presidentit Gianni Infantino, për t’i lënë më tej radhën duelit sportiv.
15:45 – Ky ajet nga Kurani u lexua në ceremoninë hapëse të Kupës së Botës. “O ju njerëz, vërtet Ne ju krijuam juve prej një mashkulli dhe një femre, ju bëmë popuj e fise që të njiheni ndërmjet vete, e s’ka dyshim se te Allahu më i ndershmi ndër ju është ai që më tepër është ruajtur, e Allahu është shumë i dijshëm dhe hollësisht i njohur për çdo gjë.
