Ambasada e SHBA-së në Shqipëri ka njoftuar ditën e sotme se janë hapur aplikimet për lotarinë amerikane.
Në njoftim, ambasada shkruan se aplikimet mbyllen më 5 nëntor, ora 12:00. Mënyrë e vetme, ku bëhet aplikimi është faqja zyrtare: dvprogram.state.gov.
Gjithashtu, ambasada njofton se personat që do të aplikojnë duhet të kenë mbaruar shkollën e mesme ose ekuivalentin e saj, pasi kjo është një kërkesë e padiskutueshme kualifikimi.
Postimi i ambasadës:
Regjistrimi për Programin e Lotarisë Amerikane (DV-2026) hapet sot (më 2 tetor) dhe do mbyllet të martën, më 5 nëntor, 2024. Për më shumë informacion, klikoni: https://bit.ly/3PKA61Y
Ju lutemi, vini re: dvprogram.state.gov është mënyra E VETME për të dorëzuar aplikimin tuaj. Sigurohuni të lexoni udhëzimet e programit dhe udhëzuesin për mashtrimet në: travel.state.gov/dv.
Mos harroni: Të kesh mbaruar shkollën e mesme ose ekuivalentin e saj është një kërkesë e padiskutueshme kualifikimi.
